Të paktën 21 persona janë lënduar pas një shpërthimi të hënën në katet e poshtme të një ndërtese hoteli në qendër të qytetit Fort Worth, Teksas, thanë autoritetet.

Një person ishte në gjendje kritike dhe katër të tjerë u lënduan rëndë, tha zëdhënësi Matt Zavadsky në një konferencë shtypi të hënën.

Pjesa tjetër kishte lëndime të lehta.

Një zëdhënës i Departamentit të Zjarrfikësve në Fort Worth, tha se telefonata e parë për një zjarr u pranua rreth orës 3:32 pasdite – sipas kohës lokale.

BREAKING: An explosion at a downtown Fort Worth, Texas hotel, possibly caused by a gas leak, injured at least 11 people, sent heavy debris across a block and forced nearby employees to evacuate Monday afternoon. pic.twitter.com/PF1f46Rd2g

— ABC News (@ABC) January 8, 2024

Më pas erdhën thirrje të shumta për një shpërthim.

Era e gazit depërtoi në qendër të qytetit Fort Worth, tha zëdhënësi më vonë, duke shtuar se hetuesit janë të bindur se shpërthimi ishte “një lloj shpërthimi gazi”. /Telegrafi/